Qyzylordada voleıboldan el birinshiliginiń ekinshi týry aıaqtaldy
El birinshiligine Almaty, Shymkent qalalary men Almaty, Aqtóbe, Batys Qazaqstan, Túrkistan, Qostanaı, Qaraǵandy jáne Qyzylorda oblystarynyń komandasy qatysty.
Jarysta barlyq sanıtarlyq talap saqtaldy. Oıyndar jankúıersiz ótkizildi.
Ekinshi týrda Batys Qazaqstan oblysynan kelgen «Jaıyq» jáne aqtóbelik «Aqtóbe» komandalary jaqsy oıyn órnegin kórsetti. Bul komandalar bes kezdesýde jeńiske jetip, týrnır kestesinde alǵashqy eki oryndy ózara bólisip tur. Ekinshi týrda tórt márte jeńiske jetken Shymkent qalasynyń «Dınamo-Qazyǵurt» klýby úzdik úshtikti túıindedi.
Odan keıingi oryndarda Qyzylordanyń «Qaısar», Almaty oblysynyń «Jetisý-jastar». túrkistandyq «Dınamo-Turan», qostanaılyq «ChelGÝ-Qostanaı» komandalary keledi. Sońǵy oryndarda almatylyq «QazNAÝ» jáne qaraǵandylyq «Qaraǵandy» komandalary keledi.
Joǵarǵy lıga komandalary arasyndaǵy jarystyń 1-týry qarasha aıynda Oral qalasynda ótkizilgen bolatyn.
Qalǵan úsh týry kelesi jyldyń aqpan, naýryz jáne sáýir aılarynda ótedi.