Qyzylordada vırýsty gepatıtke shaldyqqandar kóbeıgen
QYZYLORDA. QazAqparat. Qyzylorda qalasynda ata-analarynyń túbegeıli bas tartýy saldarynan túrli aýrýlarǵa qarsy egýden tys qalǵan balalar sany artyp tur. Qazir olardyń sany 82 balany quraıdy. Bul jóninde QazAqparat Qyzylorda qalalyq qoǵamdyq densaýlyq saqtaý basqarmasyna silteme jasap habarlaıdy.
Búginde Qyzylorda qalasynda A vırýsty gepatıtiniń epıdemıologııalyq ahýaly turaqsyz dep baǵalanyp otyr. Óıtkeni, oǵan shaldyqqan oqýshylar qatary ósýde. Ústimizdegi jyly mundaı 9 aýrý deregi tirkelgen edi. Ol byltyr bar-joǵy 4 derekti quraǵan. Osyǵan oraı qazir qala mektepterinde tekseris sharalary júrgizilýde. Talapqa saı emes bilim oshaqtaryna hattama toltyrylǵan.
«Atalǵan naýqasqa shaldyqqan oqýshylardyń juqpaly vırýsty A gepatıtine qarsy egilmegeni belgili boldy. Aýrýshańdyqtyń aldyn alý maqsatynda joǵaryda atalǵan mektepterde epıdemıologııalyq kórsetkishke baılanysty qarym-qatynasta bolǵan 14 jasqa deıingi 961 balanyń 751-ne ekpe egildi. Ekpeniń tıimdiligi týraly mektep basshylyǵymen birlese otyryp, odan bas tartqan ana-analarmen túsindirý jumystary júrgizildi, - deıdi Qyzylorda qalalyq qoǵamdyq densaýlyq saqtaý basqarmasy basshysynyń mindetin atqarýshy Gúlmıra Syzdyqova.
Ádilet Qańtarbaev
