Qyzylordada velosporttan Qazaqstan chempıonaty bastalady
ASTANA. Qazaqparat - Qyzylordada 12 sáýir kúni velosporttan jastar arasynda kópkúndik Qazaqstan Respýblıkasynyń chempıonaty bastalady, dep habarlaıdy QR MSM Sport jáne dene shynyqtyrý isteri komıtetiniń baspasóz qyzmeti.
Qyzylorda qalasynda qatarynan besinshi márte uıymdastyrylǵaly otyrǵan jarysqa elimizdiń barlyq oblystarynan jáne Astana men Almaty qalasynan 150-deı veloshabandoz qatysady.
Dodada 25 shaqyrymdyq jekeleı jarys, 100 jáne 70-80 shaqyrym qashyqtyqta toptyq jarystardyń júldeleri sarapqa salynady.
Bul jarystyń maqsaty - elimizdiń qurama komandasyn jasaqtaý úshin myqty sportshylardy aıqyndaý, velosportty nasıhattaý jáne buqaralyq sportty damytý. Jarystyń qurmetti qonaǵy retinde tuńǵysh Álem chempıony, KSRO-ǵa eńbegi sińgen sport sheberi Marat Satybaldıev shaqyryldy.
Chempıonat QR Mádenıet jáne sport mınıstrligi Dene shynyqtyrý jáne sport isteri komıteti, Qyzylorda oblysynyń dene shynyqtyrý jáne sport basqarmasy, Ulttyq Olımpıada komıteti, Qazaqstannyń velosıped sporty federatsııasynyń uıymdastyrýymen ótedi.
Jarystyń saltanatty ashylýy 12 sáýir kúni saǵat 10.00-de, baǵdarlama boıynsha jarys kún saıyn saǵat 10.30-da bastalady.
El chempıonaty 16 sáýirge deıin jalǵasady.
