Qyzylordada vaktsınatsııa qalaı júrip jatyr

QYZYLORDA. QazAqparat - Qyzylorda oblysynda 22 sáýirge deıin birinshi komponentimen 21057 adam koronavırýsqa qarsy vaktsına saldyrdy, dep habarlaıdy QazAqparat tilshisi.

Óńirde qaterli indetke qarsy ekpe qabyldaý aqpan aıynyń alǵashqy kúninen bastalǵan edi.

Óńirge búgingi kúnge deıin 21100 doza jetkizildi. Olardyń arasynda 15500-y oblys ortalyǵyna, qalǵandary aýdandardyń úlesine tıesili.

«Turǵyndardyń vaktsına saldyrý sharasy qaladaǵy 8 emhana jáne ózge de medıtsınalyq mekemelerde júrgizilýde. Al aýdandarda negizinen aýdandyq aýrýhana janynda atqarylýda.

Vaktsına saldyrý boıynsha Jańaqorǵanda - 1170, Aral men Qazalyda - 1110 adam ekpe qabyldasa, ol Shıelide -710, Qarmaqshy, Jalaǵash, Syrdarııada - 500, Baıqońyrda 350 adamdy quraıdy», - dep málim etti Qyzylorda oblystyq densaýlyq saqtaý basqarmasynan.

Immýndaý sharalary júrgizilip jatqan ekpe kabınetteri tıisti temperatýralyq rejımi bar qajetti tońazytqysh jabdyǵymen, termokonteınermen tolyq qamtamasyz etilgen.