Qyzylordada vaktsına saldyrǵandar sany 39601 adamǵa jetti
QYZYLORDA. QazAqparat - Qyzylorda oblysynda koronavırýsqa qarsy vaktsına saldyrǵan turǵyndar sany 39601 adamǵa jetti, dep habarlaıdy QazAqparat tilshisi.
Aıta keterligi, turǵyndar reseılik «Spýtnık V» jáne qazaqstandyq «QazCovid» vaktsınalaryn saldyrýǵa nıet bildirdi. Búgingi kúnge deıin «Spýtnık V» vaktsınasynyń 56300 dozasy jetkizilip, onyń 38942 dozasy ıgerildi. Atalǵan vaktsınanyń 29700-i oblys ortalyǵyndaǵy emhanalarǵa taratylyp, 20802-i paıdalanyldy. Al «QazCovid» ázirge tek Qyzylorda qalasy turǵyndaryna salynýda.
«Qazirgi tańda qaterli indetke ekpe qabyldaǵan azamattar qatarynda oblys ortalyǵy turǵyndary 21161 adamdy qurasa, ol aýdandarda 18440 adamǵa jetti. Aıta keterligi, kúnnen-kúnge vaktsına saldyrýshylar qatary artyp keledi. Máselen, 30 sáýirde 6832 adam sol tizimge engizildi», - dep málim etti Qyzylorda oblystyq densaýlyq saqtaý basqarmasynan.
Eske salsaq, Qyzylordada karantın talabyna baılanysty jańa qaýly kúshine endi.
