Qyzylordada vaktsına alǵan 200 myńynshy turǵynǵa teledıdar tartý etildi
QYZYLORDA. QazAqparat - Qyzylorda oblysynda koronavırýs indetine qarsy vaktsına alǵan 200 myńynshy turǵynǵa túrli-tústi teledıdar syıǵa berildi, dep habarlaıdy QazAqparat tilshisi.
Qazaly aýdanynyń ortalyǵy Áıteke bı kentinde turatyn 73 jastaǵy Urqııa Taıpaq óńirde koronavırýs indetine qarsy vaktsına alǵan 200 myńynshy turǵyn retinde tirkeldi.
Bilim salasynda uzaq jyldar boıy qyzmet atqarǵan ardager ustaz qaterli indetke qarsy ekpeni Qazaly aýdanaralyq aýrýhanasyna qarasty «Bolat joly» emhanasynda aldy.
«Aýyryp em izdegenshe, aýyrmaıtyn jol izdegen jón. Vaktsına qabyldap, erkin júrginge ne jetsin. Sondyqtan elimizdiń barsha turǵyndaryn vaktsına saldyrýǵa shaqyramyn», – deıdi Urqııa Taıpaq.
Ardager ustazǵa Qazaly aýdanaralyq aýrýhanasynyń bas dárigeri Baqytkúl Álisheva halyq úshin mańyzdy sharaǵa beı-jaı qaramaǵany úshin túrli-tústi teledıdardy syıǵa tartty. Aýdan ákiminiń orynbasary Jalǵas Súıeýbaev ardager ustazǵa alǵysyn aıtyp, árbir turǵyn juqpaly indetke qarsy vaktsına alý qajettigin jetkizdi.
Eske salsaq. budan buryn Qyzylordada 201 myńnan astam adam koronavırýsqa qarsy vaktsına saldyrǵanyn habarlaǵan edik .
