Qyzylordada ujymdyq jáne otbasylyq sharalardy ótkizýge tyıym salynǵan

QYZYLORDA. QazAqparat - Qyzylorda oblysynda karantındik shekteýler jeńildegenine qaramastan ujymdyq, otbasylyq is-sharalardy ótkizýge shekteý qoıylady. Bul jóninde Qyzylorda oblysynyń ákimi Gúlshara Ábdiqalyqova jergilikti «Qyzylorda» telearnasynyń tikeleı efırinde málimdedi, dep habarlaıdy QazAqparat tilshisi.

Oblys basshysy osy ýaqytqa deıin Syr óńirinde de shekteýlerdi jeńildetýdiń bes kezeńi ótkizilgenin aıtyp ótti. Kóptegen salanyń qyzmeti qalpyna kele bastady. Alaıda, jeńildetýden keıin jaǵdaı kúrdelenýde. Ótken aptada 51 jaǵdaı tirkelip, aptalyq ósim 20,4 paıyzdy qurady.

«Іndettiń taralýy ujymdastar arasynda, otbasylyq is-sharalardan jáne kóptiń jınalýynan baıqalýda. Sońǵy kezdegi naýqastardyń kóbisiniń qaıdan juqtyrǵanyn anyqtaý qıynǵa túsýde. ıAǵnı, kez kelgen adamnan juǵý yqtımaldyǵy joǵary. Qazirgi karantındi jeńildetý kezinde ózara qarym-qatynas artýda. Turǵyndar arasynda indetke senbeýshilik jáne beıqamdyq kúsheıýde. Osyǵan sáıkes sanıtarlyq-epıdemıologııalyq talaptardy saqtaýǵa degen ynta tómendedi. Sondyqtan, oblys turǵyndaryn kúndelikti ómirde saqtyq sharalaryn qatań ustanýǵa shaqyramyn.

Qoǵamdyq ortada, kópshilik oryndarda betperde taǵyp júrý, áleýmettik araqashyqtyqty saqtaý qalypty jaǵdaıǵa aınalýy tıis. Sonymen qatar, ujymdyq, otbasylyq kópshilik jınalatyn is-sharalardy ótkizýge shekteý qoıylady», - dedi oblys ákimi.

Qazir Qyzylorda oblysynda koronavırýs ınfektsııasyn juqtyrǵan 297 adam tirkelgen. Onyń ishinde 231-i syrqatynan jazylyp shyqty.

Sońǵy derek boıynsha Qyzylorda oblysynda koronavırýs ınfektsııasyn juqtyrǵan 8 adam tirkeldi.