Qyzylordada «Úzdik meıirbıke -2017» konkýrsy ótti
QYZYLORDA. QazAqparat - Qyzylorda oblysy densaýlyq saqtaý basqarmasynyń uıymdastyrýymen 12 mamyr -Halyqaralyq meıirbıkeler kúnine oraı, «Úzdik meıirbıke -2017» konkýrsy ótti, dep habarlady QazAqparat HAA tilshisi.
Kásibı konkýrsqa 10 jyldan kem emes eńbek ótili bar, birinshi nemese joǵary biliktilik sanaty bar meıirbıkeler qatysty. Meıirbıkeler eki kezeńdik baıqaýǵa qatysty. І kezeń boıynsha barlyǵy meıirbıke qatysyp, úzdik 8 meıirbıke ІІ kezeńge ótti.
ІІ kezeń boıynsha, konkýrsanttar ózderin tanystyra otyryp, sıtýatsııalyq esepter men praktıkalyq daǵdylar boıynsha kásibıligin kórsetti.
Konkýrs qorytyndysy boıynsha І oryndy oblystyq medıtsına ortalyǵynyń kardıoreabılıtatsııa bóliminiń meıirbıkesi Janar Baıulova, ІІ oryndy qalalyq №6 emhanasynyń kúndizgi statsıonar meıirbıkesi Zamıra Áýkenova, al ІІІ oryndy oblystyq onkologııa ortalyǵynyń meıirbıkesi Marjan Áshimova men temirjol aýrýhanasynyń áıelder bóliminiń meıirbıkesi Dana Bısembaeva ıelendi. Júldegerlerge «Densaýlyq» shıpajaıyna tegin jáne jeńildetilgen joldamalar berildi.
