Qyzylordada úzdik eńbek áýletteri marapattaldy
Eńbek áýletteri arasynda ótkizilgen saıystyń jeńimpazdary bolyp Qazaly aýdanyndaǵy Jadıevterdiń pedagogtar otbasy (36 adam bar, pedagogtyq barlyq eńbek ótili 812 jyldy quraıdy), temirjolshylar Naýryzbaevtar januıasy (8 adam, jumys ótili barlyǵy 236 jyl), Aral aýdanynan dárigerler Qorǵambaevtar otbasy (4 adam, jumys ótili 78 jyl), jalaǵashtyq sý sharýashylyǵy salasynyń qyzmetkerleri Tabynbaevtar (8 adam, jumys ótili 98 jyl) jáne Shıeli aýdanynan omartashy Toqtybaevtar otbasy (10 adam, jalpy jumys ótili 80 jyl) tanyldy.
Saltanatty sharaǵa oblys ákimi Qyrymbek Kósherbaev qatysyp, Syr óńiri qashanda adal eńbekkerlerimen aty shyǵyp kelgenin atap ótti.
Qyzylorda oblysynda «dala akademıgi» Ybyraı Jaqaev bastaǵan 102 Sotsıalıstik Eńbektiń Eri bolǵan. Er azamattarmen birge Shyrynkúl Qazanbaeva, Salıma Jumabekova, Ulbala Altaıbaeva, Jadyra Taspambetova, Zakıra Erjanova sekildi Eńbek Erleri óskeleń urpaqqa ónege. Táýelsizdik jyldary olardyń qataryn ataqty jerlesterimiz kásipker Abzal Eralıev jáne hırýrg ıÝrıı Pıa tolyqtyrdy.
«Biz elimizdiń damýyna úles qosqan eńbekkerlerimizdiń eńbegin baǵalaımyz. Aıta keteıik, Elbasynyń 2013 jylǵy qarasha aıyndaǵy buıryǵyna sáıkes, osymen 4-shi jyl «Eńbek kúnin» atap ótýdemiz», - dedi oblys ákimi.
Barlyq qatysýshy otbasylar alǵys hattarmen marapattalyp, baǵaly syılyqtarǵa ıe boldy.
Sondaı-aq, forým aıasynda «Eńbek joly» respýblıkalyq forýmynyń jergilikti óńirde ótken saıysynyń jeńimpazdary, «Eń úzdik eńbek dınastııasy» nomınatsııasynda Márııamkúl Tuńǵyshmuratova, «Jumysshy jastardyń jetekshisi» nomınatsııasynda Shárkúl Esqoja, «Ónerkásiptegi eń jas jumysshy» nomınatsııasynda Raýshan Jumasheva marapattaldy.
Taǵy bir atap ótetin jaıt, Elbasynyń «Bes ınstıtýtsıonaldyq reformany júzege asyrý jónindegi 100 naqty qadam» Ult josparyndaǵy 88-qadamda Jalpyǵa Ortaq Eńbek Qoǵamy ıdeıasyn alǵa jyljytý jónindegi ulttyq jobany ázirleý jáne júzege asyrý tapsyryldy.
