Qyzylordada «Úzdik birlestik jetekshisi» baıqaýy bolyp ótti
QYZYLORDA. 12 maýsym. QazAqparat - Qyzylordadaǵy № 6 kásiptik lıtseıdiń májilis zalynda «Úzdik birlestik jetekshisi - 2012» atty baıqaý bolyp ótti.
Ony oblystyq bilim berý qyzmetkerleriniń biliktiligin arttyrý jáne qaıta daıarlaý ınstıtýty uıymdastyrdy.
Baıqaýǵa oblys ortalyǵyndaǵy 4 kásiptik lıtseıden 8 birlestik jetekshisi qatysty. Saıys bes konkýrstyq tapsyrma boıynsha ótkizildi. Onda jetekshiler óz ádistemelik birlestigi jumystaryn qazylar alqasy nazaryna usynyp, tabıǵı talanttary boıynsha kúsh synasty. Saıys kezinde birlestik jetekshileriniń jyldyq jospary jáne basqa da is-qujattarynyń júrgizilýi men jasalýy saralanyp, ashyq sabaq, pedagogıkalyq oqylymdardy ótkizý ádistemeleri qaraldy. Budan bólek, kúrdeli pedagogıkalyq jáne kásiptik máselelerdi sheshe alatyn jeke qasıetterin, estetıkalyq talǵamdaryn, sıtýatsııalyq jaǵdaıdan shyǵa bilý tapqyrlyǵy men jeke ónerlerin kórsetti.
Baıqaý qorytyndysynda birinshi oryndy №6 kásiptik lıtseı ókili Bıbijan Tobjanova, ekinshi-úshinshi oryndardy Záýresh Syzdyqova (№9 KL) men Maıra Tólepova (№7 KL) jeńip aldy. Júldegerlerge Alǵys hattar men baǵaly syılyqtar tabys etildi.
