Qyzylordada Uzaqbaı Qaramanovtyń músinin ashý rásimi ótti
Mýzeı 1954 jyly salynǵan. 2015 jyly qaıta jańǵyrtý jumystary júrgizildi, búgingi kúni 11 kórme zaly bar. Mýzeıde 24 maman, 14 tehnıkalyq qyzmetker jumys jasaýda.
Sondaı-aq, Mádenıet jáne sport mınıstri Aqtoty Raıymqulova men oblys ákimi Gúlshara Ábdiqalyqova Aral aýdanyna bardy.
Aldymen Mádenıet jáne sport mınıstri men óńir basshysy №262 Uzaqbaı Qaramanov atyndaǵy mektep-gımnazııasynyń jumysymen tanysyp, músinin ashylý rásimine qatysty.
«Uzaqbaı Qaramanulynyń esimin ulyqtap, músinin ashý rásimin ótkizip otyrmyz. Uly adamdardyń ómir joly bolashaq urpaq úshin árqashan ónege. Uzaqbaı Qaramanov 1937 jyly dúnıege kelgen. Táýelsiz Qazaqstan Respýblıkasynyń tuńǵysh Premer-Mınıstri. Memleket jáne qoǵam qaıratkeri - Qazaqstan Qurylysshylar odaǵynyń negizin salýshy. II dárejeli «Barys», «Eńbek Qyzyl Tý» ordenderimen, Qazaq KSR Joǵarǵy Keńesiniń Qurmet gramotalarymen jáne túrli joǵary dárejedegi medaldarmen marapattalǵan. Qazaq eliniń damýyna eńbek etken azamattarǵa qurmet kórsetý bizdiń paryzymyz», - dedi oblys ákimi G.Ábdiqalyqova.
№ 262 mektep-gımnazııasy 2009 jyly paıdalanýǵa berildi,1200 orynǵa shaqtalǵan. Oqýshylarǵa 106 pedagog bilim berýde. Bilim berý uıasynda 40 oryndyq kompıýterlik kabıneti, 400 oryndyq akt zaly jáne 450 oryndyq ashana bar.
Uzaqbaı Qaramanov músininin ornatýǵa oblystyq bıýdjetten qarjy bólinip, Qazaqstan Respýblıkasy Mádenıet jáne sport mınıstrligi janyndaǵy memlekettik komıssııamen kelisilgen.
Músinniń avtory Qazaqstan Sýretshiler odaǵynyń múshesi, músinshi Aıdos Toqtarbekuly. Músin qoladan daıyndaldy, tuǵyrymen qosa eseptegende bıiktigi 3,2 metr.
Sharadan keıin, Aqtoty Raıymqulova men Gúlshara Ábdiqalyqova Uzaqbaı Qaramanov atyndaǵy mekteptiń mýzeı jumysymen tanysyp, «Bastaý» kásibı qoǵamdastyq kabınetinde úzdik oqýshylarymen kezdesti.