Qyzylordada úı salýǵa asyqpaıtyn turǵyndardan jerleri qaıtaryp alynady
QYZYLORDA. QazAqparat - Qvzylorda qalasynda baspana turǵyzýǵa asyqpaıtyn azamattardan berilgen jer ýchaskeleri qaıtaryp alynady, dep habarlaıdy QazAqparat tilshisi.
2016 jyly Qyzylordada «Báıterek» shaǵyn aýdany boı kóterdi. Onda 6 myńnan astam adamǵa 10 sotyqtan jer berilgen edi. Barlyq qajetti ınfraqurylym tartyldy. Degenmen, jer ýchaskesin alǵanyna eki jyldan astam ýaqyt ótse de, úılerin áli de turǵyzbaǵan azamattar anyqtalyp otyr. Jer telimin alǵandar 2005 jyly kezekke turǵandar bolyp tabylady. Olarǵa úı salýǵa úsh jyl ýaqyt belgilengen.
«Biz 2005 jyly jer kezegine tirkelgen turǵyndar máselesin tolyqtaı sheshtik. Endi 2006 jyly jasalǵan tizimge kezek keldi. Barlyq ınfraqurylym máselesi sheshilgen «Báıterek» shaǵyn aýdanynda paıdalanylmaǵan jer ýchaskeleri memleket menshigine qaıtarylady. Bul jerler kezekte turǵan kelesi azamattarǵa beriledi», - dedi Qyzylorda qalasynyń ákimi Nurlybek Nálibaev halyq aldynda esep berý sharasynda.
Aıta ketelik, qazirgi tańda Qyzylorda qalasynda 53 myńǵa jýyq adam jer kezeginde tur.
