Qyzylordada úı karantınin saqtamaǵan 1,1 myń adam anyqtaldy

QYZYLORDA. QazAqparat - Qyzylorda oblysynda Ashyq júıesi boıynsha úı karantıninde oqshaýlaný tártibin buzǵan 1 150 adam anyqtaldy, dep habarlaıdy QazAqparat tilshisi.

Oblys turǵyndary arasynda koronavırýstyń taralýynyń aldyn alý maqsatynda belgilengen karantın talaptarynyń saqtalýyna monıtorıng júrgizý jalǵasýda. Jyl basynan beri búgingi kúnge deıin monıtorıng toptarynyń reıdi barysynda 15 826 nysan tekserildi. Sol arqyly karantın talabyn buzýǵa qatysty 802 derek anyqtaldy. Bul boıynsha jalpy somasy 52 mln teńgeden astam ákimshilik aıyppul salyndy.

«Oblys kóleminde Ashyq júıesi úı karantıninde oqshaýlaný tártibin buzǵan 1 150 adamdy anyqtady. Onyń ishinde 741 adam «qyzyl», 409 tulǵa «sary» mártebege ıe. Oqshaýlaý rejımin buzýshy «qyzyl» mártebedegi 246 jeke adamǵa qatysty ákimshilik hattama toltyrylyp, 10 mln teńgeden astam aıyppul salyndy», - dedi oblystyq sanıtarlyq-epıdemıologııalyq baqylaý departamenti basshysynyń orynbasary Álııa Ábdiqaıymova.

Vedomstvo málimetinshe, anyqtalǵan «sary» mártebedegi 246 tulǵaǵa sanıtarııalyq-indetke qarsy profılaktıkalyq is-sharalardy júrgizý týraly qaýly usynyldy.

Eske salsaq, Qyzylordada qarasha aıynda 300-den astam adam koronavırýs juqtyrdy.