Qyzylordada úı qabyrǵasy qulap, 2 áıel úıindi astynda qaldy
ASTANA. QazAqparat - Qyzylorda qalasy Qaraýyltóbe aýylynda jeke turǵyn úıde gaz balony redýktorynyń olqylyǵynan gaz qurylǵysy atylyp, úı qabyrǵasy qulap ketken. Bul týraly QazAqparat tilshisi QR ІІM TJK resmı ókili Nursultan Nurahmetovke silteme jasap habarlaıdy.
«23 aqpan kúni Qyzylorda qalasy Qaraýyltóbe aýylynda jeke turǵyn úıde gaz balony redýktorynyń olqylyǵynan gaz qurylǵysy jarylǵan. Osynyń saldarynan 35 sharshy metr aýmaqtaǵy qabyrǵa qulap túsken. Órt bolmaǵan. Úıindi astynan 1979 jáne 1964 jylǵy eki áıel qutqaryldy», - dedi QR ІІM TJK baspasóz qyzmetinen.
Tótenshe jaǵdaıdy joıýǵa Qyzylorda oblysynyń Tótenshe jaǵdaılar boıynsha departamentiniń jeke quramynan 17 adam men 5 arnaıy tehnıka jumyldyrylǵan.
