Qyzylordada úı áperem dep 30 mln teńgeni qaltasyna basqan alaıaq áıel sottaldy
QYZYLORDA. QazAqparat - Qyzylordada kezekten tys páter alyp beretinin aıtyp eldi aldaǵan azamatshaǵa qatysty sot úkimi shyqty. Ol eki jyl kóleminde jábirlenýshilerge 30 mln teńgeden astam múliktik shyǵyn keltirgen, dep habarlaıdy QazAqparat tilshisi.
Ońaı jolmen aqsha tabýdy maqsat etken azamatsha oılaǵan isin 2017-2019 jyldar aralyǵynda júzege asyrǵan. Ol ózin ákimshilikte qyzmet atqaratynyn aıtyp, qala aýmaǵynda jańadan salynyp jatqan kópqabatty úılerden kezekten tys páter alyp beretinine sendirgen. Degenmen ol 27 jábirlenýshige 30 mln teńgeden astam múliktik shyǵyn keltirgen.
Ol QR Qylmystyq kodeksiniń 190-baby 2-bóligi 2-tarmaǵymen kináli dep tanyldy. Qyzylorda qalasy №2 sotynyń úkimimen azamatsha 5 jylǵa bas bostandyǵynan aıyryldy.
Qyzylorda qalasynyń №2 sotynda bıyl 505 qylmystyq is qaralǵan. Onyń ishinde 101-i alaıaqtyq qylmys retinde tirkelgen. Sotta qaralǵan árbir besinshi is - alaıaqtyq qylmys.
Budan buryn 58 adamnyń 66 mln teńgesin aldap alǵan qyzylordalyq sottalǵan-dy.
