Qyzylordada úsh jastaǵy sábı toqqa túsip, qaıtys boldy
QYZYLORDA. QazAqparat - Qyzylorda qalasynda úsh jastaǵy sábı elektr togyna túsip, qaıtys boldy, dep habarlaıdy QazAqparat tilshisi.
Oqıǵa búgin, 29 shildede jergilikti ýaqytpen 12.10-da oblys ortalyǵyndaǵy ál-Farabı kóshesi boıynda ornalasqan jeke úıde tirkeldi. 2017 jyly dúnıege kelgen bala ata-anasynyń baqylaýynsyz qalǵan.
«Sábı tokqa jalǵanǵan elektr symynyń janynda oınaǵan. Elektr togyna túsip qalǵan ol oqıǵa ornynda qaıtys boldy. Oblys kóleminde mundaı jaǵdaı bıyl ekinshi márte tirkelip otyr. Budan buryn da úsh jastaǵy er bala toqqa túsip, kóz jumǵan edi», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń ókilderi.
