Qyzylordada úsh volonterge halyqaralyq syılyq tabystaldy
Aımaqta ıgi bastamalarǵa qoldaý bildirip júrgen 1000-ǵa jýyq volonter bar. Olarǵa qoldaý bildirgen saltanatty jıynda áleýmettik jáne qoǵamdyq paıdaly mindetterdi sheshýge úles qosqan volonterler men volonterler tobynyń eńbegi joǵary baǵalandy. Olardyń arasynan belsendiligimen kózge túsken azamattarǵa halyqaralyq «Jyl volonteri» syılyǵy tabystaldy. Osyndaı marapatqa ıe bolǵandar qatarynda «Jyly júrek jastar» qoǵamdyq birlestiginiń jetekshisi Saǵatbek Sııýov, Qarmaqshy aýdandyq aýrýhana bóliminiń bas akýsheri, volonter Ásem Merekova men K.Rústembekov atyndaǵy Jyraýlar úıiniń mamany, volonter Aıdynbek Skendırov bar.
Saltanatty shara barysynda oblys ákimi Gúlshara Ábdiqalyqova pandemııa kezeńinde qoǵamdyq qyzmettiń bel ortasynan tabylǵan atalǵan azamattarǵa «Halyq alǵysy» tósbelgisin tabystady. Mundaı qurmetke «Jastar resýrstyq ortalyǵy» KMM-i dırektorynyń orynbasary Talǵat Tiles, «Jas Otan» Jastar qanaty» oblystyq fılıalynyń keńesshisi Asem Kakarmanova, «Óńirlik kommýnıkatsııalar ortalyǵy» KMM-niń mamany Erjan Jambyl ıe boldy.
Aıta keteıik, Qyzylorda oblysy elimizde alǵashqy bolyp 700-ge jýyq eriktini biriktiretin «Syr eriktileri shtabyn» qurdy. Memleket basshysynyń qoldaýymen myńnan astam qaıyrymdylyq sharasy uıymdastyryldy.
Eriktiler men kásipkerler tarapynan az qamtylǵan, kómekke muqtaj jandarǵa 11 baspana salyndy. «Birgemiz Qyzylorda» qory arqyly 24 myńnan astam otbasyna kómek kórsetildi.
Esterińizge sala ketelik, 8 jeltoqsanda edimizde olonter jylynyń jabylý rásimi ótti.