Qyzylordada úsh kúnnen beri habarsyz ketken 20 jastaǵy qyzǵa izdeý jarııalandy
QYZYLORDA. QazAqparat - Qyzylordada úsh kúnnen beri habarsyz ketken 20 jastaǵy qyzǵa izdeý jarııalandy, dep habarlaıdy QazAqparat tilshisi.
26 qyrkúıek saǵat 12.00 shamasynda belgisiz baǵytqa shyǵyp ketken 20 jastaǵy Mánsııa Edilqyzy Bolatbek sodan beri habarsyz bolyp otyr.
Ol Qyzylorda qalasynda medıtsınalyq kolledjinde 3 kýrsynda oqıdy.
Qazir Qyzylorda qalalyq polıtsııa basqarmasynyń jeke quramy boıjetkendi izdep jumystaryn bastady.
Bul maqsatta oblys ortalyǵyndaǵy kópqabatty úılerdiń shatyrlary, saıajaılar, tastandy úıler men qurylysy bitpegen ǵımarattar, oıyn-saýyq ortalyqtary men jaldamaly páterler tekserilýde.
Bul jumystar polıtsııa departamenti bastyǵynyń baqylaýynda.
«Erekshe belgileri: boıy - 155 sm, orta deneli, shashy uzyn, qara. Kıgen kıimi: qońyr tústi uzyn etekti kóılek, qyzǵysh tústi hıdjab kıgen. Boıjetken qyz jóninde qandaı da bir aqparat anyqtalǵan jaǵdaıda Qyzylorda qalalyq polıtsııa basqarmasynyń kezekshi bólimi 29-75-20 telefonyna nemese 102 arnasyna shuǵyl túrde habarlasýlaryńyzdy suraımyz», - dep málim etti Qyzylorda qalalyq polıtsııa basqarmasynyń baspasóz qyzmeti.
Sondaı-aq, budan buryn Qyzylordadan elordaǵa jolǵa shyqqan jigit habarsyz ketken edi.
