Qyzylordada ýnıversıtet ǵımaratynyń shatyry ushyp ketti

QYZYLORDA. QazAqparat - Qyzylordada qatty jeldiń áserinen «Bolashaq» ýnıversıtetiniń eski ǵımaratynyń shatyry ushyp ketti, dep habarlaıdy QazAqparat tilshisi.

«Tótenshe oqıǵa Qyzylorda qalasynda búgin, 24 naýryz, saǵat 12..00 shamasynda oryn alǵan. Qatty jeldiń saldarynan Abaı dańǵyly №31 «A» meken-jaıda ornalasqan «Bolashaq» ýnıversıtetiniń shatyry ushqan. Onyń kólemi 300sharshy metrdi quraıdy. Adam shyǵyny men zardap shekkender joq. Oqıǵa ornyna Tótenshe jaǵdaılar departamentinen - 12 adam, 2 tehnıka, oblystyq jumyldyrý daıyndyǵy basqarmasynan - 1 tehnıka, 3 adam keldi», - dep málim etti oblystyq jumyldyrý daıyndyǵy basqarmasy.