Qyzylordada Ýnıversıada alaýgerleri anyqtaldy
QYZYLORDA. QazAqparat - Qyzylorda oblysynda Ýnıversıada alaýy 28 qańtarda jaǵylady. Bul týraly QazAqparat HAA tilshisi oblystyq dene shynyqtyrý jáne sport basqarmasyna silteme jasap habarlady.
Sharanyń birinshi kezeńi saǵat 10:00-de qaladaǵy Tuńǵysh Prezıdent parkinde «Ýnıversıada alaýy - 2017» alaýyn tutatý saltanatynan bastalyp, «Bolashaq» ýnıversıtetinde máresine jetedi. Búginde estafeta alaýyn ustaýǵa Qyzylorda oblysynan qatysý qurmetine ıe bolǵandardyń esimderi jarııalandy. Olardyń qatarynda eńbekte tabysqa jetken, sport pen mádenıet salasynda halyqaralyq jáne respýblıkalyq dárejede jeńis tuǵyrynan kóringen belgili qoǵam jáne mádenıet qaıratkerleri, jattyqtyrýshylar, muǵalimder bar.
