Qyzylordada umyt qalǵan qarajat memleket paıdasyna óndirildi

QYZYLORDA. QazAqparat - Qyzylorda prokýratýrasy júrgizgen qylmystyq ister men olardyń zattaı dáleldemelerin tekserý barysynda memlekettik sot oryndaýshylardyń is-áreketinen zań buzý faktisi anyqtaldy, dep habarlaıdy QazAqparat tilshisi.

Qyzylorda oblystyq prokýratýrasynyń habarlaýynsha, 2011 jyly bir top adamǵa qatysty qylmystyq jolmen tabylǵan munaı men munaı ónimderin ıemdený deregi boıynsha qylmystyq is qozǵalǵan. Tergeý barysynda kúdikti tulǵalardan 100 myń evro, 10 myń AQSh dollary jáne 5 mln teńge mólsherinde qarajat alynǵan. Ony saqtaý úshin Ulttyq banktiń Qyzylorda fılıalyna tapsyrylǵan.

«2015 jyly sot úkimimen toptyń barlyq músheleri túrli jazaǵa tartylyp, joǵaryda kórsetilgen aqsha memleket paıdasyna tárkilengen. Alaıda, sot oryndaýshylar qazirge deıin úkimdi oryndamaı, qarajaty saqtalyp jatqan», - dep málim etti Qyzylorda oblystyq prokýratýrasy.

Prokýrorlyq qadaǵalaý aktisimen atalǵan qarajat tolyǵymen memleket paıdasyna aýdaryldy.