Qyzylordada ulttyq sport túrlerin damytý jolǵa qoıylǵan
Búgin oblys ákimdiginde óńirde ulttyq at sporty túrlerin damytý boıynsha ótkizilgen májiliske oblys ákiminiń orynbasary Serik Ahmet, Ulttyq sport qaýymdastyǵynyń prezıdenti, Májilis depýtaty Bekbolat Tileýhan qatysty.
Basqosý barysynda Bekbolat Qanaıuly qalyń qazaq uıysqan aımaqta ulttyq at sportyn damytýǵa múmkindik mol ekenin atap ótti. Dese de aldaǵy ýaqytta elimizde Qyzylorda oblysynyń aldyńǵy qatardan kóriný úshin umtylys qajet.
Oblystyq dene shynyqtyrý jáne sport basqarmasynyń basshysy Jaqsylyq Ospanovtyń aıtýynsha, óńirde kókpar, aýdaryspaq, jamby atý jáne teńge ilý sekildi sport túrlerimen aınalysatyn azamattardyń qatary kóbeıdi. Atap aıtqanda, kókpardan 850 sportshyǵa 27 bapker tálim berip júr. Al aýdaryspaqta 5 maman 190 adamǵa ulttyq saıystyń qyr-syryn úıretip keledi. Sondaı-aq, jamby atý men teńge ilýge de qyzyǵýshylyq bildirgen jastardyń sany jyldan-jylǵa kóbeıip otyr.
«Óńirde balalar men jasóspirimder sport mektebi, ulttyq jáne at sporty klýbynda 8 maman 161 sportshyǵa turaqty oqý-jattyǵý protsesin júrgizedi. Qyzylorda qalasy men Jalaǵash, Syrdarııa, Shıeli, Jańaqorǵan aýdandarynda jastardyń kókpar, aýdaryspaq, teńge ilýmen shuǵyldanýyna barlyq múmkindik jasalǵan. Bıyl aýdaryspaq pen jamby atýdan qyzylordalyq Bekmurat Orazbek pen Ǵalymjan Ómirtaı elimizdiń ulttyq quramalaryna qabyldandy. Jastardyń arasynda sport sheberi ataǵyna qol jetkizgender qatary artyp keledi», - dedi basqarma basshysy.
Oblysta ulttyq at sportyn damytý maqsatynda 2010 jyldan bastap aýyl sportshylarynyń arasynda kókpar, aýdaryspaq, teńge ilýden «Altyn kúz» oblystyq spartakıadasy turaqty ótkiziledi.
