Qyzylordada Ult azattyq kóterilis qolbasshysy Buqarbaı batyrdyń 200 jyldyǵyna arnalǵan ǵylymı-teorııalyq konferentsııa ótti
QYZYLORDA. 28 qyrkúıek. QazAqparat - Búgin Stýdentter saraıynda Ult azattyq kóterilis qolbasshysy Buqarbaı batyr Estekbaıulynyń 200 jyldyq mereıtoıyna arnalǵan «Ult azattyq qozǵalysy jáne Buqarbaı batyr» atty ǵylymı-teorııalyq konferentsııa ótti.
Respýblıka aımaǵyndaǵy belgili ǵalymdardyń, tarıhshylar men ádebıetshilerdiń qatysýymen ótken bul keleli basqosýda el tarıhyndaǵy tolǵaqty oqıǵalar tarazylanyp, batyr babamyz jaıly tyń derekter aıtyldy.
Konferentsııanyń plenarlyq májilisinde tarıh ǵylymdarynyń doktory, professor Qazaqstan tarıhshylar qaýymdastyǵynyń tóraǵasy Mámbet Qoıgeldi ashyp, sóz sóıledi.
QR Ulttyq ǵylym akademııasynyń korrespondent-múshesi, tarıh ǵylymdarynyń doktory, professor Káribaev Bereket Bahytjanuly baıandama jasady.
