Qyzylordada ulan sarbazdary janyp jatqan adamdy qutqaryp qaldy
QYZYLORDA. QazAqparat - Qyzylordada ulandyqtar janyp jatqan adamdy aman alyp qaldy, dep habarlaıdy QazAqparat Ulttyq ulannyń baspasóz qyzmetine silteme jasap.
17 qazan kúni saǵat 18:40 shamasynda Ulttyq ulannyń 5547 áskerı bóliminiń jasaǵy qyzmet barysynda aıqaılaǵan daýysty estıdi.
«Áskerı jasaq bastyǵy qatardaǵy Samǵat Meıirbek, patrýlder qatardaǵy Beıbit Esqar men Abdıazım Meıirbek daýys shyqqan jaqqa jyldam júgirip barǵanda, janyp jatqan adamdy kóredi. Kóz ilespes jyldamdyqpen qolǵa ilingenniń kómegimen dereý órtti sóndirip, álgi azamattyń janyn aman alyp qalady» delingen habarlamada.
Jaýyngerler órtten zardap shekken adamǵa jedel járdem kelgenge deıin alǵashqy medıtsınalyq kómek kórsetti.
