Qyzylordada Úkimet músheleri jergilikti turǵyndarmen kezdesti
QYZYLORDA. Qazaqparat- Qyzylorda qalasyndaǵy «Dostyq úıinde» Qazaqstan Respýblıkasy Premer-mınıstriniń orynbasary Gúlshara Ábdiqalyqovanyń qatysýymen jergilikti turǵyndarmen kezdesý ótip jatyr, dep habarlaıdy Qazaqparat tilshisi.
Atalmysh sharaǵa Eńbek jáne halyqty áleýmettik qorǵaý mınıstri Berdibek Saparbaev, Bilim jáne ǵylym mınıstri Kúlásh Shámshıdınova, Densaýlyq saqtaý vıtse-mınıstri Lázzat Aqtaeva, Investıtsııalar jáne damý mınıstrliginiń Qurylys jáne turǵyn úı kommýnaldyq sharýashylyq komıtetiniń tóraǵasy Marhabat Jaıymbetov qatysyp otyr.
Jurtshylyq aldynda Úkimet basshysynyń orynbasary Gúlshara Ábdiqalyqova, Eńbek jáne halyqty áleýmettik qorǵaý mınıstri Berdibek Saparbaev, Bilim jáne ǵylym mınıstri Kúlásh Shámshıdınova Tuńǵysh Prezıdent - Elbasy Nursultan Nazarbaevtyń «Nur Otan» partııasynyń aqpan aıyndaǵy sezinde atap ótken tabysy tómen azamattardyń, kópbalaly analardyń, múmkindigi shekteýli azamattardyń ál-aýqatyn arttyrý, bilim berý, densaýlyq saqtaý salalarynyń jáne ómir súrý sapasyn arttyrýǵa baǵyttalǵan áleýmettik baǵdarlamalardy túsindirdi.
