Qyzylordada ýchaskelik polıtseı esirtki saýdasymen aınalysqan
Qyzylordada Polıtsııa departamenti ózindik qaýipsizdik basqarmasynyń qyzmetkerleri osy maqsatta arnaıy jedel-izdestirý sharasyn uıymdastyrdy. Nátıjesinde ýchaskelik polıtsııa ınspektory esirtki zatyn ótkizgendigi anyqtaldy. Polıtsııa qyzmetkeri 10 naýryz kúni qolǵa tústi. Ol ýaqytsha ustaý abaqtysyna qamaqqa alyndy. Sotqa deıingi tergep-tekserý amaldary júrgizilýde.
«Elimizdiń ishki ister mınıstrliginiń tapsyrmasy boıynsha barlyq bóliniste ózindik qaýipsizdik basqarmasynyń qyzmetkerleri jeke quram arasyndaǵy quqyq buzýshylyq pen qylmystyń barlyq túrleriniń aldyn alatyn bolady. Onyń ishinde sybaılas jemqorlyq máselesi de bar. Polıtsııada atyna kir keltirmeıtin, adal jáne jumysyna asa jaýapkershilikpen qaraıtyn qyzmetkerler jumys isteýi tıis», – dedi Qyzylorda oblysy Polıtsııa departamentiniń bastyǵy Bektóre Sultan.