Qyzylordada tyl ardagerleri men múgedekter salyqty artyǵymen tólep kelgen
Sondaı-aq 200-ge jýyq múmkindigi shekteýli azamat ta jer, múlik, kólik salyǵyn artyǵymen tólep kelgen. Olqylyqtyń basty sebebi - salyq tóleýshilerdiń óz quqyqtaryn bilmeýi. Sondyqtan prokýratýra ókilderi oblys ortalyǵyndaǵy «Qazposhtanyń» 180 bólimshesine jeńildikter týraly aqparat ilip shyqty.
Zeınetaqysynan jyryp artyq tólem jasaǵan jannyń biri - Vasılıı Mışenko. 88 jastaǵy qart maıdanger soǵys jyldarynda sharýashylyq kólikterin júrgizgen. Tyl ardageri shyǵyn ornyn toltyryp, zańnyń ústemdik qurǵanyna qýanady.
«Men udaıy jer salyǵyn tólep turamyn. Artyq aqsha berip júrgenimdi tipti sezbeppin. Qadaǵalaýshy organnyń biz sııaqty qart-múgedekterdiń múddesin qorǵaǵany úshin qýanyshtymyn. Zańmen bekitilgen jeńildikter bar ekenin endi bilip jatyrmyn»,- deıdi tyl ardageri.
Qala prokýrory Murat Dosmaǵanbetovtiń aıtýynsha, prokýratýranyń yqpal etý sharasynyń nátıjesinde 800 myń teńgeden astam alynǵan salyq keri qaıtarylyp berilip, olardyń quqyqtary qorǵaldy. Jumysshylardyń da konstıtýtsııalyq quqyqtarynyń saqtalýy prokýratýra nazarynda. Ótken jyldyń ózinde 4 myń jumysshynyń 730 mln teńge jalaqysy, al aǵymdaǵy jyly 700-den asa jumysshynyń 110 mln teńge jalaqysy óndirilip berilip, quqyqtary qorǵaldy.
