Qyzylordada tutynýshylardyń jylýǵa tólegen 53 mln teńgesi qaıtarylady

QYZYLORDA. QazAqparat - Qyzylorda oblysynyń tutynýshylary jylýǵa tólegen 53 mln teńgeden astam somaǵa qaıta esepteý júrgiziledi, dep habarlaıdy QazAqparat.

Tabıǵı monopolııalardy retteý komıtetiniń Qyzylorda oblysy boıynsha departamenti oblystaǵy jylýmen jabdyqtaýshy uıymdardyń usynǵan qujattaryn qarap shyqty. Sonyń barysynda 2019-2020 jyldar aralyǵynda jylytý kezeńi úshin syrtqy aýanyń naqty temperatýrasyn esepke ala otyryp, jylý eseptegish aspaby joq tutynýshylarǵa qaıtarylatyn soma belgili boldy.

Osylaısha, halyqqa qaıtatyn soma - QQS-men qosqanda 53,4 mln teńge.

Onyń ishinde:

- bazalyq sýbekti «Qyzylordajylýelektrortalyǵy» MKK boıynsha - 52,1 mln teńge

- «Qyzylordajylýelektrortalyǵy» MKK «Qazaly-Temirjoljylý» fılıaly boıynsha - 1,3 mln teńge

- «Temirjolsý-Qyzylorda» JShS boıynsha - 0,01 mln teńge qaıtarylatyn boldy.