Qyzylordada turmysy tómen otbasylarǵa 14 mln. teńgeniń azyq-túligi taratyldy
QYZYLORDA. QazAqparat-Qyzylorda qalasynda «Qala kúni» merekesi jalǵasýda. Búgin kún «Júrek jylýy» qaıyrymdylyq kúni dep atalady.Osyǵan oraı, qaladaǵy ortalyq «Aqmeshit-Syrdarııa» meshiti janyndaǵy alleıada uıymdastyrylǵan «Júrek jylýy» aktsııasy aıasynda qaladaǵy 800 turmysy tómen otbasyna 14 mln.teńgeniń azyq-túlik ónimderi taratyldy. Bul týraly QazAqparat tilshisi qalalyq ákimdikke silteme jasap habarlady.
32 avtokólikke tıelgen azyq-túlik ónimderi arnaıy bólingen áleýmettik qyzmetkerlerdiń kómegimen, atalmysh 800 otbasynyń úılerine jetkizilip berildi.
Atap ótý kerek, Qyzylorda qalasynda bul baǵyttaǵy jumystar turaqty júrgizilip keledi. Mysaly, byltyrǵy «Táýelsizdik shapaǵaty» qaıyrymdylyq aılyǵy aıasynda 2 myń 750 turmysy tómen otbasyna 34 mln.teńgeniń qaıyrymdylyq kómekteri kórsetilgen. Al, bıylǵy jyldyń basynan beri qaıyrymdy azamattar men jergilikti kásipkerlerdiń demeýshiligimen Naýryz, Oraza aıt, Qurban aıt merekelerinde áleýmettik jaǵynan az qamtylǵan 2 myń 170 otbasyna kómekter kórsetildi.
