Qyzylordada turmysy tómen 1000 otbasyna qaıyrymdylyq jasaldy
QYZYLORDA. QazAqparat - Qyzylordada «Júrek jylýy» qaıyrymdylyq aktsııasy aıasynda áleýmettik az qamtylǵan 1000 otbasyǵa kómek kórsetildi. Bul shara Qyzylorda qalasynyń 200 jyldyǵy mereıtoıy qarsańynda qolǵa alyndy, dep habarlaıdy QazAqparat tilshisi oblys ákimi baspasóz qyzmetine silteme jasap.
Qaıyrymdylyq sharasynda kóp balaly jáne áleýmettik az qamtylǵan otbasylar azyq-túlikpen qamtyldy. Ortalyq «Aqmeshit-Syrdarııa» meshitiniń aýmaǵynda aktsııa sheńberinde qarjylaı kómek kórsetkisi keletinderge arnaıy jáshik qoıyldy.
Qyzylorda oblysynyń ákimi Qyrymbek Kósherbaev sharaǵa atsalysqan Syr jurtshylyǵyna alǵys bildire otyryp, Qala kúni merekesimen quttyqtady.
«Ult Kóshbasshysy, Elbasymyz Nursultan Ábishuly Nazarbaev: «Muqtaj jandarǵa kómek kórsetý jáne qaıyrymdylyq is-shara jasaý - halqymyzdyń ejelden kele jatqan ıgi dástúri» ekenin ataı otyryp, «Memleket pen bıznes ekonomıkalyq qana emes, áleýmettik máselelerdi sheshýde de áriptes bolýy tıis» degen bolatyn. Bıyl Qyzylorda qalasynyń 200 jyldyq mereıtoıy aıasynda arnaıy bir kúnniń «Júrek jylýy» ataýymen qaıyrymdylyqqa arnalýynyń negizi osynda»,-dedi aımaq basshysy.
Aıta keterligi, óńirde qaıyrymdylyq sharasyn ótkizý ıgi dástúrine aınalǵan. Ótken jyly 800 otbasyǵa kómek kórsetilgen edi. Jyl basynan beri Naýryz, Oraza aıt jáne Qurban aıt merekelerinde myńdaǵan otbasyǵa kómek beril
Illıýstratsııalyq foto
