Qyzylordada turmystyq qaldyqtardy suryptaý kesheni salynady
QYZYLORDA. QazAqparat - Qyzylorda qalasynda turmystyq qaldyqtardy basqarý júıesin jetildirý maqsatynda qaldyqtardy suryptaý kesheni salynady, dep habarlaıdy QazAqparat tilshisi.
Bul joba memlekettik-jekemenshik áriptestik sheńberinde qolǵa alynyp otyr. Suryptaý kesheniniń jyldyq qýaty 60 myń tonna.
«Turmystyq qaldyqtardy basqarý júıesin jetildirý úlken maqsatqa ıe bolyp keledi. Elimizdiń kóptegen qalalarynda ony ıgerý máselesi túıtkildi problemaǵa aınalǵan», - dedi Qazaqstan memlekettik-jekemenshik áriptestik tapsyrys berýshiler qaýymdastyǵynyń prezıdenti Rýslan Dosmahanov.
Qyzylorda oblysynda jylyna 148 myń tonna turmystyq qatty qaldyqtar shyǵarylady. Mundaı qaldyqtardy jınaqtaıtyn 145 polıgon bar. Degenmen olardyń úshten birine jýyǵy ǵana qaıta óńdeledi.
Sondaı-aq, aldaǵy ýaqytta Syr óńirinde jaryq dıodty shamdardy paıdalaný josparlanyp otyr. Ol energııany 50 protsentke deıin únemdeıdi.
