Qyzylordada túrmege tramadol men 5 telefon laqtyrmaq bolǵan adam ustaldy

QYZYLORDA. QazAqparat - Qyzylordada Qylmystyq-atqarý júıesi departamentine qarasty ZK-169/5 mekemesiniń qorshaýynan skotchpen oralǵan 2 dana belgisiz zatty laqtyrýǵa árekettengen qyzylordalyq turǵyn qolǵa tústi, dep habarlaıdy QazAqparat tilshisi.

Bul jóninde jedel túrde 102 nómirine habarlandy. Atalǵan mekemege Qyzylorda qalalyq polıtsııa basqarmasynyń jedel-tergeý toby men ýchaskelik polıtsııa ınspektory jedel jetti.

«Tekserý barysynda ishinen 100 dana tramadol dárisi men bes telefon, eki qýattaǵysh qurylǵy tabyldy. Qazirgi tańda atalǵan derek boıynsha QR Ákimshilik quqyq buzý týraly kodeksiniń 481-babyna sáıkes is materıaldary protsessýaldyq sheshim qabyldaý úshin Qyzylorda qalalyq ákimshilik sotyna joldandy. Onda qylmystyq-atqarý júıesiniń mekemelerinde, arnaýly mekemelerde ustalatyn adamdarǵa tyıym salynǵan zattar, buıymdar men nárseler berý jaǵdaıy kórsetilgen», - dedi mekeme bastyǵy Maqsut Ótetileýov.

Vedomstvo málimetinshe, departament tarapynan sottalǵandardyń paıdalanýy men qoldanylýyna tyıym salynǵan zattardyń jolyn kesý jumysy qatań baqylaýda tur.

«Jyl basynan osyndaı segiz derek tirkeldi. Onyń 2-ne qylmystyq is qozǵalsa, 6 derek boıynsha sot qaýlysymen eskertý jasaldy», - dedi Maqsut Ótetileýov.

Eske salsaq, budan buryn Qyzylordada adam pyshaqtaǵan jigit elordada ustalǵan edi.