Qyzylordada túrme aýmaǵyna esirtki laqtyrýǵa árekettengen adam qolǵa tústi
Qyzylorda oblysy boıynsha Qylmystyq-atqarý júıesi departamentine qarasty ZK-169/5 mekemesiniń jedel bóliminiń qyzmetkerlerine jedel aqparat tústi. Onda mekeme qorshaýynan sottalǵandardyń paıdalanýyna tyıym salynǵan zattardy syrttan laqtyratyny aıtylǵan.
Jedel bóliminiń qyzmetkerleri mekeme aýmaǵyna tyıym salǵan zatty jetkizýshi adamdy tasalaý jerde kútti. Qylmysqa árekettengen er adam aldymen mekeme mańaıyn torýyldap, keıin aram oıyn iske asyrýǵa bettegen mezette mekeme qyzmetkerleri qolǵa túsirdi. Jedel túrde 102 nómirine habarlasyp, mekemege Qyzylorda qalalyq Polıtsııa basqarmasynyń jedel-tergeý toby shaqyrtyldy.
«Qolǵa túsken er adamnan úsh dana nyǵyzdalyp oralǵan ótkir ıisi bar zat tárkilendi. Tárkilengen zat boıynsha sot saraptama jumystary taǵaıyndaldy. Atalǵan derek boıynsha QR Qylmystyq kodeksiniń 297-babynyń 1-bóligimen sotqa deıingi tergep-tekserý jumystary júrgizilýde», - dep málim etti Qyzylorda oblystyq Qylmystyq-atqarý júıesi departamentinen.