Qyzylordada turǵynnyń 2 mln teńgesin ıemdenip ketken alaıaq ustaldy

QYZYLORDA. QazAqparat - Qyzylordada jergilikti turǵynǵa úıdiń baspaldaǵyn jasap beremin dep 2 mıllıon teńgeni alǵan kúdikti ustaldy, dep habarlaıdy QazAqparat tilshisi.

Oblys ortalyǵynyń turǵyny úı ıesine «úıdiń baspaldaǵyn jasap beremin» degen jeleýmen senimine kirip, 2 mıllıon teńgeden astam aqshasyn alǵan. Bul oqıǵa byltyr bolsa da kelisilgen ýáde oryndalmaǵan.

Úı ıesi atalǵan máselemen polıtsııaǵa júgindi. Shaǵym boıynsha oblystyq polıtsııa departamentiniń qyzmetkerleri kúdiktini ustady. Ol kinásin moıyndap, oǵan qatysty «eshqaıda ketpeý jáne ózin durys ustaý týraly qolhat» túrindegi bultartpaý sharasy qoldanyldy.

QR Qylmystyq kodeksiniń 190-babynyń 1-bóligimen sotqa deıingi tergep-tekserý amaldary júrgizilip jatyr. Onda alaıaqtyq, ıaǵnı bótenniń múlkin jymqyrý nemese aldaý nemese senimdi teris paıdalaný jolymen bóten múlikke quqyqty ıemdený jaǵdaıy kórsetilgen.