Qyzylordada turǵyn úıden kóne qylysh tabyldy
QYZYLORDA. QazAqparat - Qyzylorda oblysy Shıeli aýdanynyń ortalyǵynda kóne zamannan syr shertetin qylysh tabyldy, dep habarlaıdy QazAqparat tilshisi.
Aýdan ortalyǵy turǵynynyń biri óz aýlasyna qurylys jumystaryn júrgizý maqsatynda arnaıy tehnıka shaqyrtady. Tehnıkamen jerdi qazý barysynda úsh metrdeı jerden qylysh úlgisindegi jádiger tabylady. Qylysh jartylaı shirigen kúıde eken.
Tarıhı qundylyqty baǵalaı bilgen azamat dereý aýdandyq ólketaný mýzeıiniń dırektory Óserbek Tórebaıdy shaqyrtady. Mamandardyń aıtýynsha, bul jaıynda ázirge tolyq joramal jasaýǵa erterek.
«Mundaı jádigerler tolyq tekserýden ótedi. Sodan keıin ǵana naqty sheshim qabyldaı alamyz. Ázirge bul baǵytta saraptama jumysyn júrgizetin bolamyz»,- deıdi Ó.Tórebaı.
Qylyshtyń jasalý merzimi 2-3 ǵasyrǵa sozylýy múmkin. Odan da arǵy kezeńdi qamtýy da ǵajap emes.
Tarıhı jádigerlerdi zerdelep júretin jergilikti jýrnalıst Nurbolat Pirimbettiń aıtýynsha, qylysh qazaqtyń eski soǵys qarýynyń biri bolýy yqtımal. Zertteýshiler ony meksıkalyq machetege óte uqsas ekenin aıtady.
