Qyzylordada turǵyn úıdegi órtten bir adam kóz jumdy
Shildebaev kóshesi boıynda turǵyn úıden 18.48 shamasynda órt shyqqan. Jergilikti 112 qutqarý qyzmetine túsken qońyraýdan keıin órt sóndirý qyzmetiniń jeke quramy dereý iske kiristi. Oqıǵa ornynda barlaý jumystaryn júrgizdi. Órt turǵyn úıdiń as bólmesinen shyqqany anyqtaldy. Órtti oqshaýlaý barysynda gaz tútininen úı ishinde es-tússiz jatqan 1983 jylǵy azamattyń bar ekeni belgili boldy.
«Qutqarýshylar kómegimen birinshi top múgedegi qaýipsiz jerge shyǵaryldy. Bul azamat jedel járdem mamandary qaraýynan keıin kóz jumdy. Órtti sóndirýge tótenshe jaǵdaılar departamentinen 6 tehnıka, 25 qyzmetker jumyldyryldy. Órt saldarynan turǵyn úıdiń ashana bólmesindegi turmystyq zattary men tóbe jabyny tolyq janǵan», - dep málim etti Qyzylorda oblystyq Tótenshe jaǵdaılar departamenti Órt sóndirý jáne apattyq-qutqarý jumystary qyzmetiniń baspasóz mamany Álııa Erejepova.
Budan buryn Qyzylordada kóp qabatty úıdegi órtten 47 adam evakýatsııalanǵanyn jazǵan bolatynbyz.