Qyzylordada turǵyn úıdegi órtten 48 jastaǵy er adam qaza boldy
Oqıǵa 10 naýryzynda saǵat 21.18-de Qarmaqshy aýdanynyń ortalyǵy Josaly kentindegi jeke turǵyn úıde bolǵan. Turǵyn úıdiń aýdany 15 sharshy metr bolatyn kireberis bólmesi tolyǵymen janǵan.
«Órt sóndirýshiler 1975 jyly týǵan turǵyn úı ıesin syrtqa alyp shyǵyp, ony jedel járdem mamandaryna tapsyrǵan. Alaıda, ol saǵat 21.48-de kóz jumdy. Marqum tútinge tunshyǵyp qalǵan. Ol úıde jalǵyz bolǵan. Órt saǵat 21.30-de oqshaýlanyp, 21.40-de tolyq sóndirildi. Órttiń shyǵý sebebi anyqtalýda, - dep málim etti Qyzylorda oblysy Tótenshe jaǵdaılar departamenti qoǵammen baılanys tobynyń bas mamany Aıgúl Nurmanova.
Oqıǵa ornyna Tótenshe jaǵdaılar departamentiniń 8 qyzmetkeri 2 tehnıkamen keldi. Sondaı-aq, aýdandyq polıtsııa bólimi, jedel járdem brıgadasy jáne ózge de jaýapty mekeme mamandary jumys jasaǵan.
