Qyzylordada turǵyn úı túgi qalmaı órtenip ketti
QYZYLORDA. QazAqparat - Qyzylorda oblysynda turǵyn úı tolyǵymen órtenip ketti, dep habarlaıdy QazAqparat tilshisi.
Oqıǵa Jańaqorǵan aýdanyna qarasty Qojakent aýylynda boldy. Aýdandyq №14 órt sóndirý bólimine aýyldaǵy A.Álıev kóshesi boıyndaǵy turǵyn úıde órt bolǵandyǵy jóninde habar kelip túsken.
«Oqıǵa ornyna jergilikti órt sóndirý bóliminen 1 avtokólikpen 5 qyzmetker bardy. Oǵan aýyldyq okrýgten 6 erikti órt jasaǵy men 2 tehnıka jumyldyryldy. Órtten 2 qabatty turǵyn úıdiń qyshpen qaptalǵan 1 qabatynda ornalasqan turǵyn úı men ishindegi múlikteri tolyǵymen órtenip ketken», - dedi oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetinen.
Aldyn ala jasalǵan joramal boıynsha órt gaz plıtasynan shyqqan bolýy múmkin. Adam shyǵyny joq. Oqıǵanyń mán-jaıy anyqtalýda.
Eske salsaq, budan buryn Qyzylordada kópqabatty úı órtenip, 14 adam evakýatsııalandy.
