Qyzylordada turatyn 25 UOS ardagerin nurotandyqtar qamqorlyqqa aldy
Sharaǵa «Nur Otan» partııasy Qyzylorda qalalyq fılıalynyń basshylyǵy, oblystyq densaýlyq saqtaý basqarmasy men qalalyq jumyspen qamtý jáne áleýmettik baǵdarlamalar bóliminiń mamandary, qalalyq ardagerler Keńesiniń músheleri, Qyzylorda oblysynyń «Aýǵan soǵysy ardageri men múgedekter keńesi» ókilderi qatysty.
Semınar barysynda «Nur Otan» partııasy Qyzylorda qalalyq fılıaly tóraǵasynyń birinshi orynbasary Shárip Ábdirahmanov partııanyń «Ardagerlerdi ardaqtaıyq» jobasy aıasynda atqarylǵan jumystardy tilge tıek etti.
Uly Otan soǵysy ardagerleri men tyl eńbekkerlerine, jalǵyz turatyn jáne qoldaýǵa erekshe muqtaj qarııalarǵa áleýmettik kartalarǵa sáıkes partııa tarapynan udaıy qoldaý kórsetilýde.
Al qalalyq jumyspen qamtý jáne áleýmettik baǵdarlamalar bóliminiń mamany Gýlsara Jubaıdaeva ákimdik pen partııa birlese ardagerlerge jan-jaqty kómek kórsetýge arnalǵan túrli is-sharalar uıymdastyratynyn aıtty.
«Qyzylorda qalasynda jalǵyzbasty jáne asa muqtaj 163 tyl eńbekkeri jáne 25 UOS ardageri bar. Barlyǵynyń jaǵdaıy nazarǵa alynǵan. «Nur Otan» partııasymen birlesip ol kisilerdiń máselelerin sheshýge jumys jospary jasaqtalyp, naqty ister atqarylýda», - deıdi bólim mamany.
Semınar-trenıng barysynda eldegi medıtsınadaǵy jetken jetistiktermen qatar ardagerler ózderin tolǵandyrǵan máselelerdi de kóterdi.
«Shaqyrtylǵan jedel-járdem kólikteri kóp bógeledi. Emhanadaǵy kezek bylaı tursyn, aýrýhanaǵa jatý úshin portaldaǵy kezek uzaqqa sozylyp ketedi. Dári-dármektiń turaqsyz baǵasyna ardagerlerdiń zeınetaqysy sáıkes kelmeıdi»,- deıdi qalalyq ardagerler keńesiniń tóraǵasy Saılaýbaı Ábishev.
Semınar trenıngke qatysqan ákimdik ókilderi tarapynan ardagerler kótergen barlyq máselelerge oraı jan-jaqty túsindirme jasaldy.
