Qyzylordada turaqty Jol kartasy aıasynda 452 jumys orny saqtalady
Atalǵan baǵdarlama boıynsha oblysta túrli salada kúrdeli jáne aǵymdaǵy jóndeý jumystary qolǵa alynǵan. Qurylysqa jergilikti turǵyndar tartyldy. Nátıjesinde 9 myńnan astam azamat eńbekpen qamtyldy. Mamandar baǵdarlama tolyq aıaqtalǵannan keıin de turaqty 452 jumys orny saqtalatynyn aıtady.
Qazir oblysta 276 ınfraqurylymdyq joba iske asyp jatyr. Bul maqsatta 36,9 mlrd. teńge qaralǵan. Sol arqyly áleýmettik saladaǵy kóptegen nysan qaıta jóndelýde. Baǵdarlama 4 iri baǵyttaǵy sala boıynsha qarqyn aldy. Atap aıtqanda, áleýmettik-mádenı nysandardy jóndeýge 12,3 mlrd. teńge qarjy qaraldy. Nátıjesinde, bilim berý salasynda 52, densaýlyq saqtaý baǵytynda 30, mádenıet salasynda 22, sport baǵytynda 21 nysan jóndeýden ótedi.
Al, ınjenerlik-kóliktik ınfraqurylym baǵytynda 14,5 mlrd. teńge qaralyp, ol boıynsha 62 joba iske asady. Eldi mekenderdi abbattandyrý isi de jandanady. Bul baǵytta 47 joba qolǵa alynǵan.
Aýqymdy baǵdarlama negizinde turǵyn úı-kommýnaldyq nysandar da qaıta jóndeýden ótýde. Aıtalyq, bul boıynsha 42 jobaǵa 7,5 mlrd.teńge qaralyp, jumyssyz júrgen 1127 eńbekpen qamtyldy.
Osyndaı ıgilikti ister Jalaǵash aýdanynda da keńinen óris alyp otyr. Jergilikti turǵyndar kásipkerlikti qoldaýǵa baǵyttalǵan memlekettik baǵdarlamalardyń ıgiligin kórip keledi. Ásirese «Nátıjeli jumyspen qamtý jáne jappaı kásipkerlikti damytýdyń «Eńbek» baǵdarlamasy aıasynda óz isin óristetip, paıdaǵa kenelgender jeterlik.
Atalǵan baǵdarlama aıasynda Lázzat Karıpova 10 mln teńge nesıe aldy. Medıtsına salasynda jıyrma jylǵa jýyq tájirıbe jınaqtaǵan ol osydan 3 jyl buryn aýdan ortalyǵynan «Aq-Suńqar» klınıkasyn ashqan bolatyn. Buǵan deıin aýdandyq ortalyq aýrýhanada qyzmet atqarǵan ol osylaısha jeke klınıka jumysyn bastap ketti. Ýaqyt óte kele emhana qyzmetin paıdalanýǵa nıet bildirgen adamdar sany artty. Keıin naýqastardyń suranysyna saı kórsetiletin qyzmet túrleri kóbeıdi. Medıtsınalyq nysandar jańa zamanaýı apparattarmen tolyqty. Bul maqsatta memlekettik baǵdarlamamen nesıe alady.
Atalǵan medıtsınalyq nysan qazirgi tańda 6 adamdy jumyspen qamtyp otyr. «Aq-Suńqar» klınıkasy 2018 jyldan beri «Áleýmettik medıtsınalyq saqtandyrý qory» KEAQ-men arada jasasqan shartqa sáıkes halyqqa tegin qyzmet kórsetip keledi. ıAǵnı munda eresek adamdar tegin medıtsınalyq kómektiń kepildendirilgen kólemi arqyly tegin em alýda.
Atalǵan klınıkada 2018 jyly 600-ge jýyq naýqas tegin em alsa, byltyr 623 naýqasqa taǵy da tegin ári sapaly em júrgizilgen. Jeke klınıkanyń basshysy bıyl 700-ge jýyq adamdy emdeýdi josparlap otyr.
«Biz «Áleýmettik medıtsınalyq saqtandyrý qory» KEAQ-men jasasqan kelisimshart aıasynda halyqqa tegin em júrgizýge de kóńil bólemiz. ıAǵnı bizdiń klınıkadan aýdan turǵyndarynyń kúndizgi statsıonarda tegin em alýyna bolady» , - dedi klınıka basshysy.
Sondaı-aq, Qyzylorda jastary muqtaj otbasylardyń balalaryna kompıýter qurastyrady.
