Qyzylordada turaqty túrde mal urlyǵymen aınalysqan 2 jigit qolǵa tústi
JAŃAQORǴAN. QazAqparat - Qyzylorda oblysy Jańaqorǵan aýdanynda turaqty túrde mal urlyǵymen aınalysyp kelgen eki turǵyn qolǵa tústi. Olar soıylǵan sıyr etin bazarǵa satý úshin ótkizgen, dep habarlaıdy QazAqparat tilshisi.
Jańaqorǵan aýdandyq polıtsııa bólimine jergilikti turǵynnan Syrdarııa jaǵasynda jaıylyp júrgen sıyryn belgisiz adamdar urlap ketkeni jóninde shaǵym tústi. Odan keıin oqıǵa ornynan boı tasalap ketken. Qoldy bolǵan múıizdi iri qaranyń baǵasy 250 myń teńgeni quraıdy.
Jańaqorǵan aýdandyq polıtsııa bóliminiń qyzmetkerleri jedel-izdestirý sharalaryn júrgizdi. Nátıjesinde polıtsııa qyzmetkerleri 43 jáne 25 jastaǵy eki adamdy qolǵa túsirdi. Olardyń ekeýi de jumyssyz, Jańaqorǵan aýdanynda turady.
«Qazirgi ýaqytta ustalǵandar ýaqytsha ustaý ızolıatoryna qamaýǵa alyndy. Tergeý barysynda olar urlanǵan sıyrdy soıyp, etin bazarlardyń birine satý úshin tapsyrǵany anyqtaldy. Jedel-izdestirý sharalary barysynda kúdiktilerdiń basqa da 12 mal urlyǵynyń deregine qatysy bar ekeni anyqtaldy. Osy derekterdiń barlyǵyna qatysty QR Qylmystyq kodeksiniń 188-baby 3-bóligine (urlyq) sáıkes sotqa deıingi tergeý júrgizilýde, mán-jaıy anyqtalýda», - dep málim etti Qyzylorda oblystyq polıtsııa departamentiniń baspasóz qyzmeti.
Budan buryn Qyzylordada 13 márte urlyq jasaǵan kúdikti qolǵa tústi.
