Qyzylordada tuńǵysh ret sporttyq bıden týrnır ótti
QYZYLORDA. QazAqparat- «PetroQazaqstan» sport kesheninde tuńǵysh ret sporttyq bıden «Vesennıe rıtmy - 2017» atty ashyq týrnır ótti. Atalmysh sharaǵa Tashkent, Baıqońyr, Aqóbe, Shymkent jáne Qyzylorda qalalarynan 400-den astam qatysýshy jınaldy, dep habarlaıdy,-dep habarlady QazAqparat tilshisi oblystyq Azamattyq Alıansy qaýymdastyǵyna silteme jasap.
Týrnırdiń uıymdastyrýshysy «Orda» klýby sharany oblystyq dene shynyqtyrý jáne sport basqarmasynyń qoldaýymen júzege asyrdy.
«Bizdiń federatsııa osydan 2 jyl buryn quryldy», - deıdi sporttyq bıden klýb jetekshisi ári oblystyq federatsııa prezıdenti Anatolıı Tsoı.
«Orda» klýby da osy kezde paıda boldy. Qazir bizde 50-ge jýyq adam turaqty aınalysýda. Respýblıkalyq, halyqaralyq týrnırlerden júldemen oraldyq. Osyǵan deıin Qazaqstan men Ózbekstanda bolǵan jarystarǵa qatyssaq, alda Orynborda ótetin saıysqa shaqyrý alyp otyrmyz».
Sporttyń bul túri Qyzylordada endi damyp keledi. Sondyqtan da klýb basshylyǵy qazir ony nasıhattaýǵa baryn salýda. Osy maqsatta aıdyń aıaǵynda klýb quramyna balalardy qabyldaý bastalady.
Sonymen qatar, sporttyq bımen onshaqty jyldan beri aınalysyp kele jatqan Anatolıı Tsoı múgedekter arasynda da bul baǵytty damytýdy kózdep otyr. Onyń bul bastamasy oblystyq dene shynyqtyrý jáne sport basqarmasy men paraolımpıadalyq komıtet tarapynan qoldaý taýyp, týrnırde arbaǵa tańylǵan jandar da óner kórsetti. «Aıyryqsha bı» ataýyn ıelengen jobanyń júzege asýyna «Qyzylorda eriktileri» qaýymdastyǵy músheleri de úles qosty.
«Aıryqsha bı» jobasy boıynsha óner kórsetken bıshilerge metsenattar ázirlegen syılyqtar tabys etildi.
Týrnırdi uıymdastyrýshylarǵa QR bı sporty federatsııasynan kelgen bas tóreshi ıÝrıı Zaıdentrýmf jyly lebizin jetkizdi.
«Bul Qyzylordaǵa alǵash kelýim», - deıdi ol.
«Biraq, jaqynda ashylǵan klýbtyń myna talabyna qaraǵanda Syr óńirine áli de talaı jolymyz túsetin sııaqty. Árıne, men buǵan qýanyshtymyn. Búgingi týrnırge qatysqandardyń arasynan alda talaı jarystan ozyp shyǵar talanttylardy baıqadym».
