Qyzylordada tún ishinde joǵalyp ketken oqýshy tabyldy
QYZYLORDA. QazAqparat - Qyzylordada tún ishinde joǵalyp ketken 7-synyp oqýshysy úıine aman-esen qaıtaryldy, dep habarlaıdy QazAqparat tilshisi.
Atalmysh oqıǵa 19 aqpan kúni saǵat túngi 3.40-tar shamasynda bolǵan. Anasymen sózge kelip qalǵan ol ashýǵa berilip, úıinen shyǵyp ketken. Bul jóninde Qyzylorda qalalyq polıtsııa basqarmasynyń jedel basqarý ortalyǵyna habarlama kelip túsedi. Polıtsııa qyzmetkerleri dereý iske kiristi. Jasósipirimdi izdeý jumystaryna ıývenaldy polıtsııa, patrýldi polıtsııa narıadtary jumyldyryldy. Kópqabatty úılerdiń ójiresi men shatyry, aýlasy, qurylys júrip jatqan nysandar, mekemelerdiń aýlalary aralandy. Turǵyndardan surastyrý jumystary júrgizildi. Joǵalǵan qyz Qyzylorda qalasynyń ortalyq aýmaǵynda oryn tepken eski bazar aýmaǵynan tabyldy.
«Jyl basynan beri oblys boıynsha kámeletke tolmaǵandar arasynda osyndaı 7 oqıǵa deregi tirkeldi. Olardyń barlyǵy ata-anasyna aman-esen tabys etildi. Osyǵan oraı, ata-analardan balalarǵa degen baqylaýdy jáne jaýapkershilikti kúsheıtýin suraıdy. Jasóspirimderdiń qaýipsizdigin qamtamasyz etýge selqos qaramaý qajettigin qatań eskertedi», - dep jazylǵan Qyzylorda oblystyq polıtsııa departamentiniń baspasóz qyzmeti taratqan habarlamada.
Sondaı-aq, budan buryn Qyzylordada jasóspirimder arasynda qylmys órship turǵanyn habarlaǵan edik.
