Qyzylordada tún ishinde joǵalǵan 12 jasar bala aýyldaǵy ájesiniń úıinen tabyldy
QYZYLORDA. QazAqparat - Qyzylorda qalasynda tún ishinde joǵalyp ketken 12 jasar bala aýyldaǵy ata-ájesiniń úıinen aman-esen tabyldy, dep habarlaıdy QazAqparat tilshisi.
Eske salsaq, 2009 jyldyń 8 mamyrynda dúnıege kelgen Bektýraz Sazakov búgin, 26 mamyrda úıinen belgisiz baǵytqa shyǵyp ketken. Sodan keıin úıine qaıta oralmaǵan .
Ol jóninde 27 mamyr túngi 02.00 shamasynda polıtsııaǵa aryz túsken.
«Іzdestirý jumystaryna oblystyq polıtsııa departamentiniń, Qyzylorda qalalyq Polıtsııa basqarmasynyń jeke quramy, eriktiler jáne jergilikti turǵyndar jumyldyryldy. Bul jóninde áleýmettik jeliler jáne buqaralyq aqparat quraldary arqyly turǵyndar aqparattandyryldy. Polıtsııa qyzmetkerleri qalanyń kóp qabatty shatyrlary, ójireleri jáne aýladaǵy lıýktary,saıajaılardaǵy tastandy úıler, qurylysy bitpegen ǵımarattar, jertólelerdi qarap shyqty. Sondaı-aq, qalanyń barlyq aýmaǵynda joǵalǵan balanyń fotosýreti kórsetilip, surastyrý jumystary júrgizildi. Osyndaı jumystardyń nátıjesinde joǵalǵan kámeletke tolmaǵan bala Jalaǵash aýdanynan tabyldy», - dep málim etti Qyzylorda oblystyq polıtsııa basqarmasynan.
Vedomstvo málimetinshe, ol aýylda turatyn ata-ájesiniń úıine ketip qalǵan. Bala aman-esen.
Qazirgi tańda ıývenaldy polıtsııa qyzmetkerleri jasóspirimniń úıden ketip qalý sebebin anyqtap jatyr.
