Qyzylordada tún ishinde qoǵamdyq orynda tártipsizdikke jol bergen jasóspirimder ustaldy

QYZYLORDA. QazAqparat - Qyzylorda oblysy Jańaqorǵan aýdanynda tún ishinde qoǵamdyq orynda tártipsizdikke jol bergen onnan astam jasóspirim polıtsııaǵa jetkizildi, dep habarlaıdy QazAqparat tilshisi.

Oqıǵa aýdan ortalyǵyndaǵy saparjaı mańynda bolǵan. Sol aýmaqta belgisiz azamattar túngi saǵat 2.00 shamasynda avtoturaqta turǵan avtokólikke tas laqtyryp, zaqymdaǵan. Odan bólek, turaq janyndaǵy ǵımaratta ornalasqan dúkenge de materıaldyq shyǵyn keltirilgen.

«Júrgizilgen jedel sharalar nátıjesinde kúdikti retinde aýdan turǵyny polıtsııaǵa jetkizildi. Odan basqa taǵy 10 adam polıtseıler aldynda jaýap berdi. Jaraqat alǵandar joq. Bul derek boıynsha QR Qylmystyq Qylmystyq kodeksiniń 293-babynyń 2-bóligi 1-tarmaǵy boıynsha (Buzaqylyq) sotqa deıingi tergep-tekserý amaldary bastaldy. Oqıǵanyń oryn alý sebepteri men mán-jaılary anyqtalýda», - dep málim etti Qyzylorda oblystyq polıtsııa departamentinen.