Qyzylordada tumaýǵa shaldyqqandar qatary kóbeıdi
Bul jóninde oblys ákiminiń orynbasary Naýryzbaı Baıqadamov málim etti.
«Sondyqtan árbir azamat aýrýdyń belgisi bilingende emhanaǵa habarlasýyn suraımyz. Degenmen oǵan nazar aýdarmaǵan turǵyndar bar. Birneshe adam úıde em qabyldap, jaǵdaıy aýyrlaǵannan keıin jansaqtaý bólimine tústi. Pnevmonııanyń asqynǵan jaǵdaıynyń aldyn alýǵa tıispiz. Árbir adam jaqyndarynyń ómirine qaýip tóndirýge barmaýy qajet»,- dedi oblys ákiminiń orynbasary.
Oblysta medıtsına salasyn qajetti tehnıkalarmen jabdyqtaýǵa mán berilip otyr. Jýyrda dárigerlerge jedel járdem qyzmeti úshin 42 dana sanıtarııalyq avtokólik kilti tabystaldy. Sondaı-aq, oblystyq medıtsınalyq jedel járdem stansasy elimizdegi Ulttyq shuǵyl medıtsınany úılestirý ortalyǵynyń baǵalaý reıtıngi boıynsha aldyńǵy qatarda tur. Alys eldi mekenderdiń halqy sapaly jáne der kezinde jedel medıtsınalyq kómektiń qoljetimdiligin anyq sezinýde.
«Respýblıkalyq mańyzy bar trassalardaǵy jol-kólik oqıǵasynda zardap shekken jolaýshylarǵa alǵashqy kómek kórsetip kelemiz. Ony der kezinde oryndaýda sanıtarlyq avtokólikterdiń tehnıkalyq jaǵdaıy áser etetini sózsiz»,- dedi oblystyq densaýlyq saqtaý basqarmasynyń basshysy Sábıt Pazılov.
Búginde aımaqta koronavırýs ınfektsııasyn juqtyrǵandar sany 3268-ge jetti. Olardyń qatarynan 3190 adam jazylyp shyqty. Ol 97 paıyzdy quraıdy.
Óńirde koronavırýs ınfektsııasyn juqtyrǵan naýqastarmen qarym-qatynasta bolǵandardy oqshaýlaý maqsatynda 30 karantındik tósek-oryn ashyldy. Búginde aımaqta 244 ókpeni jasandy jeldetý apparaty iske qosyldy.
Sondaı-aq, Qyzylorda oblysynda karantın talaptary birshama jeńildetildi.