Qyzylordada týǵan kúndi toılaǵan aýdan ákimdiginiń qyzmetkerleri jazalandy

QYZYLORDA. QazAqparat - Qyzylorda oblysynda aýdan ákimdiginiń 4 qyzmetkeri karantın kezinde týǵan kúndi toılaǵany úshin tártiptik jazaǵa tartyldy, dep habarlaıdy QazAqparat tilshisi.

Qyzylorda oblystyq Ádep jónindegi keńesiniń kezekti otyrysynda Shıeli aýdany ákimdiginiń 4 qyzmetkeriniń tártiptik isi qaraldy. Budan buryn áleýmettik jeli betterinde olardyń týǵan kúndi toılap jatqany jóninde beınejazba jarııalanǵan bolatyn.

«Ádep jónindegi keńes músheleri karantındik shekteýlerdi saqtamaı tıisti talaptardy buzǵany úshin olar tıisti tártiptik jazaǵa tartyldy. Atap aıtqanda, Shıeli aýdany ákimi apparatynyń basshysyna «sógis» berildi. Al aýdan ákimi apparatynyń bas mamany, aýdandyq jumyspen qamtý, áleýmettik baǵdarlamalar jáne azamattyq hal aktilerin tirkeý bólimi basshysynyń orynbasary jáne aýdandyq ishki saıasat bóliminiń jetekshi mamanyna «eskertý» túrindegi tártiptik jaza qoldaný jóninde sheshim qabyldandy», - dep málim etti QR Memlekettik qyzmet isteri agenttigi Qyzylorda oblysy boıynsha departamentiniń baspasóz hatshysy Baǵdat Ábdiqadyrov.

Budan buryn Qyzylorda oblysynda karantın tártibin buzǵan aýyl ákimi jazalandy.

https://kaz.inform.kz/news/kyzylorda-oblysynda-karantin-tartibin-buzgan-auyl-akimi-zhazalandy_a3690212.