Qyzylordada týǵan inisin óltirgen áıel 7 jylǵa sottaldy
QYZYLORDA. 16 aqpan. QazAqparat - Qyzylordada týǵan inisin óltirgen áıel 7 jylǵa bas bostandyǵynan aıyryldy. Bul týraly oblystyq sottyń baspasóz qyzmeti habarlady.
Sheshesiniń páterinde turyp jatqan ápkesi men inisi spırttik ishimdikterin birge iship otyryp, bir-birimen eregisip qalady. Janjaldyń aıaǵy tóbeleske ulasqan bul jekpe-jekte áıel inisiniń moınyna pyshaq tyǵyp alady. Ol osylaısha mas kúıinde baýyrynyń ómirine qaýipti aýyr dene jaraqatyn salǵan. Osynyń saldarynan jas jigit oqıǵa bolǵan jerde qaıtys bolǵan.
Qyzylorda oblystyq sotynyń apellıatsııalyq sot alqasynyń qaýlysymen qylmystyq ister jónindegi mamandandyrylǵan aýdanaralyq sotynyń úkimi ózgerissiz qaldyrylyp, úkim zańdy kúshine endi.
