Qyzylordada týa bitti asqazan-ishek aqaýymen dúnıege kelgen nárestege ota jasaldy
Oblystyq kóp beıindi balalar aýrýhanasyna Qyzylorda qalasyndaǵy Ana men bala ortalyǵynan habarlama kelip túsken edi. Onda bosaný bóliginde gastroshız dıagnozy rastalǵan nárestege kesar otasyn jasaýǵa daıyndalyp jatqany aıtylǵan. Ǵylymı tilde gastroshız dıagnozy retinde baǵalanatyn atalǵan aýrý elimizde sırek kezdesedi.
«Nárestege eki saǵattan astam ýaqyt boıy jasalǵan ota sátti aıaqtaldy. Qazir ol Ana men bala ortalyǵynda em alyp jatyr. Ony neonataldy hırýrg, anestezıolog jáne ota jasaý bóliminiń mamandary turaqty túrde baqylaýǵa alǵan. Oǵan qajetti em-dom taǵaıyndalǵan. Dáriger-neonatologtar, meıirgerlerdiń kútimi arqasynda ol enteraldy tamaqtanýdy bastady. Jaqyn ýaqytta úıine shyǵarylady», - dedi aýrýhananyń neonataldy hırýrgııa jáne ıntensıvti terapııa bólimshesiniń bólim meńgerýshisi Móldir Almahanova.
2017 jyldan beri bólimshede árbir jyl saıyn túrli aqaýmen 100-120 naýqas sábı em qabyldaıdy. Olardyń barlyǵy hırýrgııalyq em qabyldap, ata-anasymen aman-esenqaýyshyp jatyr.
Osyndaı mańyzdy otalardy jasaýda hırýrg-endoskopıst Serik Núsipqojaev, anestezıolog Maqsat Ábdibahıev, neonatologtar - Móldir Almahanova, Mereke Altynbekova syndy bilikti mamandar jemisti eńbek etip keledi.
Eske salsaq, bqdan buryn shymkenttik dárigerler 10 jasar balanyń mıynan bir ýys qurt aldy.
