Qyzylordada tótenshe jaǵdaılar basqarmasy «Shyrsha» operatsııasy aıasynda úgit-nasıhat is-sharalaryn júrgizdi
QYZYLORDA. 31 jeltoqsan. QazAqparat /Jańagúl Serdaly/ - Qyzylorda qalasy tótenshe jaǵdaılar basqarmasynyń baspasóz hatshysy Aıgúl Nurmanovanyń habarlaýynsha, oblysta «Shyrsha» operatsııasy aıasynda úgit-nasıhat is-sharalary júrgizilgen.
Sonyń ishinde Іshki ister jáne Tótenshe jaǵdaılar mınıstrliginiń birlesken josparyn oryndaý maqsatynda Qyzylorda stansysy vokzal perrondarynda jáne jolaýshylar poezdarynda pırotehnıkalyq buıymdaryn satý oryndaryn órt qaýipsizdigi jáne sertıfıkaty joq pırotehnıkalyq buıymdaryn anyqtaý, satýǵa jol bermeý barysynda profılaktıkalyq turǵyda úgit-nasıhat jumystary bar. Osy baǵytta 22-31 jeltoqsanda Qyzylorda stansysy vokzal perron alańynda pırotehnıkalyq buıymdaryn satýǵa jáne tasymaldaýǵa jol bermeý maqsatynda ilesip júrý jasaǵyna nusqama talaby boıynsha jolaýshy azamattardy qulaqtandyrý, vokzal perrondarynda ornalasqan kafelerinde órttiń aldyn alý maqsatynda profılaktıkalyq túsindirme jumystaryn júrgizý jumystaryn atqarýda. Sonymen birge, pırotehnıkalyq buıymdardy qaýipsiz paıdalaný jáne taǵy basqa osy tektes jarnamalar únparaqtaryn Qyzylorda stansysy vokzal ǵımarattaryna ilip, jolaýshy azamattarǵa túsindirme jumystary júrgizildi.
Atalmysh is-sharalar qaladaǵy kópshilik jınalatyn oryndar men bazarlarda da jalǵastyǵyn tapty. Bazarlardaǵy sertıfıkaty joq pırotehnıkalyq buıymdardy satýmen aınalysýǵa bolmaıtyndyǵy týraly qulaqtandyrý jumystary jasalǵan. Atalmysh reıdtik sharalarǵa qalalyq tótenshe jaǵdaılar basqarmasynyń órtke qarsy qyzmet salasyndaǵy mamandary E.Álisherov, E.Sábenov, A.Keńesova, S.Ábjaevalar atsalysqan.
